TSEBISO ? YA 2001
Melawana e Laolang Tsamaiso ya Komiti ya Taolo e entsweng tlasa Karolo ya 14 ya Molao wa Ditshebeletso tsa Taolo ya Difofane, wa 1993 (Molao wa Nomoro ya 45 wa 1993)
Ka ho ya ka matla ao ke a fuwang ke karolo ya 14 ya Molao wa Ditshebeletso tsa Taolo ya Difofane, wa 1993, nna Abdulah Mohamed Omar, Letona la Dipalangwang, ka hona ke fetola Melawana e Laolang Tsamaiso ya Komiti ya Taolo ka ho ya ka karolo ya 11 ya Molao wa Khampani ya Boemafofane (e phatlaladitsweng e le Tsebiso ya Nomoro ya 639 ya 1994 Koranteng ya Mmuso ya Nomoro ya 15805), jwalo ka ha ho boletswe shejulung e mabapi le hona, mme Melawana ena e tla kena tshebetsong ho tloha ka la 1 Pherekgong 2002.
Ditlhaloso
Melawaneng ena, ntle le ha e be ho hlalositswe ka tsela e nngwe e fapaneng, lentswe kapa polelwana efe kapa efe e fuweng tlhaloso ka ho ya ka ?Melao? e tla bolela hoo ho hlalositsweng
Melao? e bolela Molao wa Khampani ya Boemafofane, wa 1993 (Molao wa Nomoro ya 44 wa 1993) le Molao wa Ditshebeletso tsa taolo ya Difofane, wa 1993 (Molao wa Nomoro ya 45 wa 1993);
Khampani? e bolela Khampani ya Afrika Borwa e Kwalletsweng ya Boemafofane le Khampani e Kwalletsweng ya Ditshebeletso tsa Taolo ya Difofane, tse theilweng ka ho ya ka Molao wa Nomoro ya 44 wa 1993 le Molao wa Nomoro ya 45 wa 1993 ka tatellano.
Dikopano tsa Komiti
Modulasetulo o tla okamela dikopano tsohle tsa Komiti.
Motlatsi wa Modulasetulo o tla kgethwa ke Letona hore a phethe mesebetsi ya modulasetulo ha modulasetulo a le siyo, mme ha bobedi ba bona ba le siyo, Letona le tla kgetha setho sa Komiti ho tshwara marapo a Modulasetulo bakeng sa mesebetsi ya Komiti le ho phethahatsa matla a yona.
Dikopano tsa Komiti di tla tshwarwa ka nako, le sebakeng se tla behwa ke Modulasetulo, mme di ka kgefutsa nako le nako.
Modulasetulo o tla hlwaya hore na ho ka bitswa kopano mabapi le taba e itseng.
Khoramo bakeng sa dikopano tsa Komiti e tla ba ditho tse tharo.
Qeto ya bongata ba ditho tsa Komiti tse leng teng kopanong eo e nang le khoramo e tla bopa qeto ya Komiti, mme ha ho ka etseha hore divoutu di lekane, Modulasetulo o tla ba le voutu e kgaolang kgang ka hodima voutu ya bileng le yona pejana ya ho tshehetsa qeto.
Komiti ha e sebedisa boikgethelo ba yona tabeng efe kapa efe, e ka batla hore ditaba tsohle kapa karolo e itseng ya tsona e ngolwe fatshe.
Matla a Komiti
Bakeng sa ho phetha mesebetsi ya yona le ho sebedisa matla a yona, Komiti e ka:-
etsa boipiletso ba ho fumana botsebi ba seprofeshenale ba ditho tsa yona kapa ba ditsebi tsa ka ntle;
batla tsebiso kapa keletso ya ka ntle;
ema le motho e mong ho ba mmoho tsekisanong kapa kopong efe kapa efe; mme e ka bitsa motho ofe kapa ofe ho tla fana ka bopaki ka pela Komiti kapa ka pela setho sefe kapa sefe sa yona, kapa a hlahise buka, tokomane efe kapa efe e ka bang molemo dipotsisong, diphuputsong kapa ditabeng dife kapa dife tseo Komiti e tshwarahaneng le tsona.
Ho ka romelwa samane e laelang hore motho ofe kapa ofe a hlahelle ka pele ho Komiti kapa a hlahise buka kapa tokomane efe kapa efe ka ntho e nngwe e itseng, mme hona ho etsuwe ka tsela e tla laelwa ke Komiti e be saenwa ke Modulasetulo.
Modulasetulo wa Komiti kapa motho ya okametseng mamelo a ka kopa ho buisana le batho ba amehang neng kapa neng, mme hona a ho etsa ka sepheo sa ho fokotsa dintho tse ka bakang bothata le ho etsa hore ditaba di se ke tsa ba telele.
Komiti e ka phatlalatsa kapa ya laela hore ho phatlalatswe tsebiso, kapa kgweletso efe kapa efe Koranteng ya Mmuso, kapa ka mokgwa ofe kapa ofe wa diphatlalatsi tsa ditaba.
Dikgokahano le mekgwa ya ho romela ditletlebo Komiting
Dikgokahano tse ding tsohle tse sa lateleng ditlhophiso tse itseng tse tlwaelehileng, di tshwanelwa ho ngolwa fatshe kapa di tiisetswe ka ho ngolwa fatshe ka potlako.
Kopo efe kapa efe e lebiswang Komiting, mme e etswa ke motho ofe kapa ofe bakeng sa thuso, e tla ngolwa fatshe, kapa e etswe ka Foromo ya RC 1 (Sehlomathiso), mme yona e tla kenyeletsa hona ho latelang:-
lebitso le aterese ya mokopi boemo ba motho eo tabeng eo;
mofuta wa thuso e batlwang;
mabitso a motho e mong le e mong eo ho batlwang thuso kgahlanong le yena, kapa ya nang le kgahleho ya bohlokwa hape e tobileng tabeng eo e tsekwang; le kgutsufatso ya mabaka a tseko ka nngwe.
Dikhopi tse tsheletseng tsa kopo di tla romelwa Komiting, mme dikhopi tse pedi di nehwe motho eo ho batlwang thuso kgahlanong le yena, kapa ya nang le kgahleho ya bohlokwa hape e tobileng jwalo ka ha ho boletswe.
E mong le e mong ya amehang, e tla re matsatsing a leshome le metso e mene a ho sebetsa, a romele kgutsufatso ya karabo efe kapa efe le/kapa tseko e kgahlanong le e entsweng e mabapi le taba ena. Karabo e jwalo kapa tseko e kgahlanong le e entsweng e tla kenyelletsa dintlha tsena tse latelang:-
lebitso le aterese ya motho;
tletlebo e arajwang;
karabo ya tletlebo le tshusumetso ya yona le/kapa ho hanwa ha tletlebo eo; le dintlha tse mabapi le tseko e kgahlanong le e entsweng pejana.
Modulasetulo o tla beha nako le sebaka sa mamelo le/kapa hlahlobo, mme tsebiso ya yona e tla fuwa batho bohle ba nang le kgahleho tabeng eo.
Moo ho amehang motho a le mong feela, kappa ho se na kganyetso ya kopo, Komiti e ka tswela pele ho sebetsana le taba eo ka tsela e tshwanetseng.
Ditaba tse ka pela Komiti
Motho ofe kapa ofe ya fanang ka tsebiso Komiting a ka kotjwa ho etsa jwalo ka tlasa kano le tiiso.
Tabeng efe kapa efe e ka pela Komiti, boemedi ba molao bo ka dumellwa ka ho ya ka boikgethelo ba Komiti.
Tletlebong e entsweng tlasa karolo ya 14 ya Molao wa Nomoro ya 44 wa 1993 kapa karolo ya 13 ya Molao wa Nomoro ya 45 wa 1993, ditlhophiso tsa dikarolo tseo di tla sebetsa di sa akaretse Melawana ena, eo le yona e tla tswela pele ho sebetsa ka tsela e ke keng ya thulana le dikarolo tsena.
Komiti, pele e ka etsa taelo efe kapa efe tlasa karolo ya 14 (a) ya Molao wa Nomoro ya 44 ya 1993, kapa karolo ya 13 (c) ya Molao wa Nomoro ya 45 wa 1993, e tla tsebisa khampani e amahang ka maikemisetso a yona a ho etsa jwalo.
Diphuputso le mamelo
Ha e se e fumane tletlebo, Komiti e tla fuputsa ka yona, e bolelle bao ba nang le kgahleho tabeng eo letsatsi le lebelletsweng la ho phetha phuputso.
Ha Komiti e hloka dintlha tse ding hape ka nako ya diphuputso, tsona ho tshwanetswe hore ho fanwe ka tsona matsatsing a leshome le metso e mene ho tloha nakong eo di kopilweng ka yona.
Ha Komiti e bona ho hlokeha hore ho be le hlahlobo, bohle ba amehang ba tla tsebiswa ka nako le sebaka sa hlahlobo.
Qeto e entsweng ke Komiti mabapi le tletlebo e tla ngolwa fatshe e be e romelwa bohle ba amehang.
Dikopo tse potlakileng
Ha ho ka ba le kopo e potlakileng, Modulasetulo o tla etsa qeto ya hore na kopo e lokelwa ho sebetswa ka potlako, mme hona moo o tla be a se a beha le mokgwa o tshwanetseng wa tshebetso.
Sephiri
Ha ho na mosebeletsi wa Khampani kapa batho ba leng Komiting, ba nang le tsebo kapa ba ka kgonang ho fihlela tokomane efe kapa efe, kapa tsebiso efe kapa efe e sethong sa Komiti kapa mothong ya dumelletsweng ke Komiti, e le tokomane kapa tsebiso e amanang le taba efe kapa efe e ka pela Komiti, a buwe ka dikahare tsa tokomane kapa tsebiso eo le motho ofe kapa ofe, ntle feela ha etsa hoo ka ho ya ka ditokelo le ditshwanelo tsa hae tsa motheo ka tlasa Molao wa 44 wa 1993 kapa Molao wa 45 wa 1993, ntle le tumello e ngotsweng fatshe ya Komiti
Ditlolo tsa molao le dikotlo
Motho ofe kapa ofe ya hlolehang ho latela taelo e samaneng kapa taelo e nngwe e entsweng ka ho ya ka melawana ena o tla fumanwa a le molato wa tlolo ya molao.
Motho ofe kapa ofe ya tla fumanwa a le molato wa tlolo ya molao ka ho ya ka melawana ena, o tla fuwa kotlo ya tefiso kapa a kwallwe tjhankaneng nako e ke keng ya feta dikgwedi tse tsheletseng, kapa a fuwe kotlo tsena tse pedi tsa tefiso le ho kwallwa tjhankaneng.
SEHLOMATHISO
KOMITI YA TAOLO
Mohala: 309-3415
THOMELO YA DITLETLEBO
Ela hloko:
Motho ofe kapa ofe ya tshwarehileng hampe ka ho hloleha ha Khampani ya Boemafofane kapa Khampani ya Ditsheletso tsa Taolo ya Difofane ho latela ditlhophiso dife kapa dife tsa dikarolo tsa 52, 121 kapa 1212 tsa Melao e tshwanetseng, a ka romela tletlebo komiting ka foromo ena.
Dikhopi tse tsheletseng tsa kopo di lokela ho romelwa atereseng e boletsweng mona ka hodimo.
Dikhopi tse pedi tsa tsona di romelwe ho e mong le e mong wa bao ho batlwang thuso kgahlanong le bona, ekasitana le ho e mong le e mong ya nang le kgahleho e kgolo ka ho toba tabeng ena.
Sefane le sehlooho sa motho ya tletlebang, kapa lebitso la khampani ??
Ditlhaku tse kgolo
Mabitso a ho qala (ha ho tshwanelehile) ???????????????
Ditlhaku tse kgolo
Aterese ya Poso ??????????????????????????
Nomoro ya mohala ???????.. Nomoro ya Fekse ?????????
Aterese ya Kgwebo ????????????????????????..
Aterese ya Bodulo ?????????????????????????.
Motho ya tletlebang:
Motho eo ho batlwang thuso kgahlanong le yena
Mabitso a batho ba bang ba nang le kgahleho e matla ka ho toba
Mabaka a tletlebo
Karolo e tshwanetseng ya Molao
Setatemente:
Ke phatlalatsa hore dintlha tse mona ka hodimo, ka ho ya ka tsebo ya ka yohle, ke nnete hape di lokile.
Tshaeno ya Motho ya tletlebang Mohla
Mabaka a tletlebo a ka romelwa ka sehlomathiso foromong ena.
